1. |
||||
|
Vort líf er svo ríkt af ljóssins þrá,
að lokkar oss himins sólarbrá,
og húmið hlýtur að dvína,
er hrynjandi geislar skína
Vor sál er svo rík af trausti' og trú,
að trauðla mun bregðast huggun sú.
Þó ævin sem elding þrjóti,
guðs eilífð blasir oss móti.
Vort hjarta er svo ríkt af hreinni ást,
að hugir í gegnum dauðann sjást.
– Vér hverfum og höldum víðar,
en hittumst þó aftur – síðar.
Jóhannes úr Kötlum
|
||||
2. |
||||
|
Sú rödd var svo fögur, svo hugljúf og hrein,
sem hljómaði til mín úr dálitlum runni;
hún sat þar um nætur og söng þar á grein
svo sólfögur ljóð um svo margt, sem ég unni,
og kvöld eftir kvöld hóf hún ástarljóð ein –
ó, ef að þú vissir, hvað mikið hún kunni.
Hún kvað um sitt fjölbreytta fjalldala skraut,
hve frítt er og rólegt að eiga þar heima,
hve mjúkt er í Júní í ljósgrænni laut,
hve létt þar er vetrarins hörmum að gleyma,
og hvað þá er indælt við ættjarðarskaut
um ástir og vonir að syngja og dreyma.
Þar söng hún í kyrðinni elskhugans óð
um óbygðar heiðar og víðsýnið fríða,
og æskunnar barnglaða, blíðróma ljóð,
sem biður þess sumarið aldrei að líða;
því sitja þar vorkvöldin hlustandi hljóð,
því hika þar nætur og dreymandi bíða.
En fjarri er nú saungur þinn, sólskríkjan mín,
og sumur þíns vinar hin fegurstu liðin;
hann lángar svo oft heim á Þórsmörk til þín,
hann þráir svo ljóðin og vornætur friðinn, –
hann harmar í skógunum hrjósturlönd sín,
hann hlustar sem gestur á náttgalakliðinn.
Þorsteinn Erlingsson
|
||||
3. |
||||
|
Húsið sefur, sefur.
Húmsins þögn um þak og veggi breiðist.
Húsið sefur.
– Og fyrir einni stundu síðan
bárust ungar, heitar raddir
gegnum opna glugga hússins.
Og ilmur trjánna ófst í hljóma lagsins,
sem einhver gestur lék í kveðjuskyni.
Og – aldrei, aldrei framar – heyrðist hvíslað.
Húsið sefur, sefur.
Hljótt og þögult eins og þreyttur maður.
Húsið sefur ...
Steinn Steinarr
|
||||
4. |
||||
|
Ekki má láta lítinn dreng
lengi basla og hljóða.
Mamma kemur, ef kallar hann,
og kyssir vangana rjóða,
fer með hann í fanginu
að finna pabba góða;
þá er allt gleymt, sem grætti
og gleðin komin að bjóða,
bjóða, bjóða,
ljúfum svein í leik með sér,
sem lömbunum á bala,
þegar þau fara í fjörugan
feluleik við smala
djúpt inn til dala,
djúpt inn til laufgrænna dala.
Hulda
|
||||
5. |
||||
|
Ég hlusta hrifinn á frúna,
sem hljóðfærið leikur á
og lýsir titrandi tónum
tærandi ástarþrá.
En einhverjir hjáróma hljómar
heyrast í stofuna inn,
því utan við gluggann emjar
ólukkans kötturinn.
Aumingja kötturinn úti
er ástfanginn, kæra frú,
og syngur með sínum rómi
um sama efni og þú.
Örn Arnarson
|
||||
6. |
Rósir / Roses
04:55
|
|||
|
Þær búa hér þúsund við blávatnsstrendur
sem brúðir geislunum rétta hendur.
Bál af haustlitum brennur hátt,
blærinn í skógarhöll týnir átt.
Rósir – síðsumars rósir.
Kyrrðin döggina björtu ber
frá bláum himni í faðmi sér;
að baki rósir – í rökkri þær anga
með rauða, gula og hvíta vanga,
rósir – skógdjúpsins rósir
Við göngum í visnuðu laufi lengi,
í lognblíðu ekkert er sagt;
það er eins og himinkyrr aftanstundin
okkur hafi í draumfjötra lagt.
Skógarrökkur í augum þér er,
angan deyfandi þögnin mér ber.
Rósir, rósir, rósir.
Hulda
|
||||
7. |
Sorgin / Sorrow
07:00
|
|||
|
Hún er konan, sem kyrrlátust fer
og kemur þá minnst þig varir,
og les úr andvaka augum þér
hvert angur, sem til þín starir.
Hún kemur og hlustar, er harmasár
hjörtun í einveru kalla.
Hún leitar uppi hvert tregatár.
Hún telur blöðin, sem falla.
Og hún er þögul og ávallt ein
og á ekki samleið með neinum.
Því hún er sorgin, sem sefar hvert mein,
og sífellt leitar að einum.
Tómas Guðmundsson
|
||||
8. |
Brim / Surf
05:42
|
|||
|
Ég veit ekki, hvað ég hugsa,
ég hlusta bara á
öldurnar æða og hamast
inni í hugarsjá.
Þær byngjast upp og brotna
og breiðast síðan út.
Og upp úr þeim skýtur einlægt
örlitlum viðarbút.
Það er minning um meyju
sem mér við hjarta gró.
Ég vildi gefa' henni kærleikskoss.
Hún kreppti hnefann og sló.
En alltaf öðru hvoru
er mér það hugarfró,
að láta bárurnar bera
bátinn um hugarsjó.
Benedikt Gíslason
|
||||
If you like Leifur Gunnarsson, you may also like:
Over Tage (Deluxe Edition)
by Svaneborg Kardyb
featured on Bandcamp Radio Sep 13, 2022
go to album
featured on Bandcamp Radio Jun 7, 2022
go to album
Land forms - Live on Bebop Artist Project
by YenTing Lo
Backed by a trio of jazz musicians, the Taiwanese singer-songwriter develops physical landscapes as a vehicle for stunning sound poetry.
go to album
Come With Fierce Grace
by Alabaster DePlume
featured on Bandcamp Radio Aug 22, 2023
go to album
featured on Bandcamp Radio Feb 8, 2022
go to album
ONE DAY
by Jaz Sawyer | Tongo Eisen-Martin
featured on Bandcamp Radio Feb 1, 2022
go to album
Open The Gates
by Irreversible Entanglements
featured on Bandcamp Radio Aug 31, 2021
go to album
